張學友投資較保守物業全部自住 天王自嘲家中地位仲低過隻烏龜

「歌神」張學友曾被傳在2008年金融風暴，成為雷曼苦主，身家唔見咗一半，蝕逾4000萬元，當時要急急復工搵錢。不過他當時表示雷曼兄弟的投資，只佔了當時的投資總額的百分之二，所以損失不是太多。投資屬於穩陣保守的學友，他最近接受由周振基主持的香港電台節目《香港機遇》訪問，坦言近幾年已沒有投資，所有物業都是自用。

同場加映：黎明重穿30年前《原振俠》皮褸 中環冒寒風大唱12首經典歌

{{hket:ul-video id="7245"}}{{/hket:ul-video}}

{{hket:inline-image name="11.JPG"}}{{/hket:inline-image}}

{{hket:inline-image name="12.JPG"}}{{/hket:inline-image}}

在節目中，談到對於對未來的投資計劃，學友指自己屬於保守型，「多數都係低風險，買物業唔係我主要投資，所有物業都係自用，唔係自用嘅物業都賣出去，因為我覺得租畀人好辛苦，窗漏水又關你事，水渠爆咗又係你去整，我個人比較冇安全感。」

學友在1996年與羅美薇結婚，兩人育兩女張瑤華、張瑤萱，不過學友過往很少提及家人。周振基在節目中，問學友在家中的地位，學友笑說：「我喺屋企永遠係最後一個位，我屋企有隻龜，佢仲高級過我，我幫佢抹屎、餵佢食嘢、幫佢洗籠，再加多兩隻龜或者生隻龜蛋出嚟，我都唔知點搞呀，大佬！」

張學友細女瑤萱17歲初長成 熱愛藝術開畫展天王爸爸低調撐【下一頁】

至於管教方面，學友指自己不是嚴父，實行佛系管理，「我主要畀意見，接唔接受係佢哋嘅事，我都有我嘅睇法，衣著又好、談吐又好、佢哋對將來睇法都好，我都唔會強迫佢哋，佢哋冇意見畀我，因為佢哋費事啋我，哈哈，無論佢哋發展到點樣，都希望喺身邊支持佢哋，只可以一路提醒佢哋，但如果佢哋堅持，佢哋就要承受結果。」

學友閒時在家裡會做煮飯之外的家務，並趁機大讚太太廚藝了得，他一臉鬼馬但又裝正經的笑說：「佢咩都叻，咩都好食！我唔叻煮，真係煮過就係幫個女炒飯，熱番啲冷餸，煮吓麵咁囉！」

星光匯聚成翡翠︳尋回1983年唱贏張學友參賽者 疑抄《尋人記》連睇片都一樣【下一頁】

{{hket:inline-image name="800_554b66d12a7071979df2df8c4cdf976fsaasftp20200221.jpg"}}{{/hket:inline-image}}

提到學友在唱歌時的招牌手勢「蘭花指」，學友笑說：「其實係不自覺，多數係左手，因為我右手揸咪，所以左右手都冇關係，因為純粹係，當你唱歌嘅時候會緊張，隻手唔知擺喺邊度，究竟應該點做......其實係一個不自覺嘅動作，可能我個人比較悶啲，所以啲人見到特別唔同嘅嘢就『嘩』，哈哈哈！」

{{hket:inline-image name="HsWZtwuYImhEK0XiHbNVh-GU2lua6B1FPdsO0T3bDtE.JPG"}}{{/hket:inline-image}}

除了唱歌好聽之外，學友亦拍過不少電影，不論是文藝片還是喜劇，都錄得不錯的票房，他更憑電影《旺角卡門》的烏蠅一角，以及電影《笑傲江湖》，分別獲得香港電影金像獎和台灣電影金馬獎的最佳男配角獎。不過他近年已少了很多電影作品，學友解釋：「唱歌（收入）唔穩定，未擔夠，唔知唱歌係咪可以維持生活，但拍一部戲，我知道幾多錢，例如一年我接咗七部戲，我就知嗰年收入有幾多，我大概就知自己嗰條數係點，所以有段時間，係我主要生活收入，後來做演唱會嘅機會多咗，收入有保障，咁我就變咗得閒就拍吓。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】